«Lan-zuzenbidea» Goi Mailako Hezkuntzaren Europako Esparrura egokitutako eskuliburua da. Hortaz, kontuan hartu da lan-zuzenbidearen gaitasun bereziak garatzeko behar den denbora.
Zortzi gai jorratu dira, denak ere labur, zuzen eta erraz antolatuta, lan-zuzenbidearen oinarrizko erakundeak azkar ikasteko moduan. Gainera, azalpenak osatu dira informazio gehigarriarekin eta eguneratutako arautegi eta jurisprudentziarekin. Egin-eginean ere, horiek guztiak kontuan hartzea ezinbestekoa da eduki teorikoak praktikan jartzeko. Era berean, azalpenekin batera, edozenbat adibide jarri dira, eta kasuan kasuko gaietan sakondu ahal izateko zenbait web-orrialderen berri eman da.
Aztertu diren gaien arrean daude lan-zuzenbidearen nondik norakoak, iturrien sistema, lan-kontratua, lan-kontratuaren modalitateak, lan-kontratuko subjektuen eskubide eta betebeharrak, lan-denbora eta atsedenaldiak, lan-kontratuak izan ditzakeen gorabeherak eta lan-harreman kolektiboak. Gainera, gai bakoitza praktiken atalarekin bukatzen da. Horrek ikasi beharrekoa behar bezala berrikustea ahalbidetzen du, hala banakako ikasketaren bidez, nola gelan gauzatutako partaidetza aktiboko saioen bidez.
Bestalde, kontuan hartu dira azken aldian egin diren lege-aldarazpenak, eta, batik bat, uztailaren l2ko 15/2022 Legea; irailaren 6ko I0/2022 Lege Organikoa; abenduaren 30eko 39 /2022 Legea; otsailaren 28ko 1/2023 Lege Organikoa; otsailaren 28ko 3/2023 Legea; otsailaren 28ko 4/2023 Legea; martxoaren I6ko 2/2023 Errege Lege­dekretua; ekainaren 28ko 5/2023 Errege Lege-dekretua; uztailaren IIko 608/2023 Errege Dekretua; eta uztailaren I8ko 659/2023 Errege Dekretua.

No notes from the Author